沖涼?可減壓?沖幾多次先最好?

沖涼

可減壓?

每晚放工番到屋企,最舒服的事莫過於是沖番個熱水涼,次次沖完涼出嚟都會覺得成個人輕鬆曬冇曬煩惱,唔知是否心理因素,總是覺得 沖涼 有減壓的作用,又有令人精神同心靈放鬆的功效咁,究竟係咪真嘅呢?關於沖涼的3個冷知識,而家即刻同你解構!

沖涼


沖涼 3點

1. 沖涼 可以減壓?

沖涼是人每日可以卸下束縛的唯一一段時間,沖涼時浴室就是屬於每一個人的一個私人空間,所以在沖涼的時候,人自然就會覺得無拘無束,好像冇曬煩惱同壓力咁。加上熱水透過花灑的衝力灑落在身體上,好似按摩池咁的力度同感覺,齋聽你係咪已經覺得好舒服呢?所以話,沖涼真的是減壓的首選方法啊!

2. 沖熱水涼對身體好?

唔講唔知,沖熱水涼除了可以洗淨身體表皮上的污垢外,仲有好多好處 ! 包括加速血液循環、促進新陳代謝、消除疲勞、改善睡眠等,仲有助防止臉神經炎、視力減退,甚至其他疾病!嘩,乜原來沖熱水涼有咁多好處,唔怪得日本人咁鐘意浸溫泉啦!

3. 沖得越多越好?

頭先講了咁多沖熱水涼的好處,咁是否沖涼沖得越密越多越好呢?答案又不是啵!沖涼次數太多會將皮膚上自然分泌的油脂和有保護作用的細菌洗走,減弱了皮膚的抵抗力,容易引起皮膚痕癢,甚至容易染病。夏天氣溫高時,人會更容易出汗,分泌亦會較多,所以最好每日都沖一次涼。冬天時,沖涼次數就因人而異,排汗較多的人可以適當地增加沖涼的次數。另外,沖涼的水溫亦需要多加注意,洗澡水的溫度最好接近番體溫,即大約35℃至37℃,水溫過高可能會導致全身血管擴張,減少心臟同腦部的血流量。水溫太低都會造成毛孔緊閉同血管收縮的問題,沖完涼可能會帶來四肢無力同肩頸腹痛的後果,大家要注意喇!

此外,不少人習慣沐浴後用毛巾擦拭身體,感覺「很爽」。不過專家指,以毛巾大力拭乾身體,可能會損害肌膚細胞。建議洗澡後盡量讓身體水分自然風乾;若不能不抹乾身體的話,亦最好使用柔軟毛巾,以輕印的方式將水分印乾就可以。


沖涼 要注意事項:

  • 水溫以接近人體體溫的攝氏35度至37度為宜,不要超過攝氏42度
  • 使用性質溫和的沐浴露
  • 洗澡時間別超過30分鐘
  • 洗浴後喝清水,有助補充水分
  • 剛食完飯或過於肚餓、酒後皆不宜入浴;切忌運動後即時沖涼!

如要了解其他健康資訊,請瀏覽我們的Blog健康護理討論區


有關媽媽及BB護理服務,可瀏覽香港催乳師學會


如需要選用皓學坊的專業服務,請瀏覽 Nursing Services 我們的醫護服務

Be the first to comment

Leave a Reply

Your email address will not be published.


*